2019-2020 оқу жылы бойынша физика кафедрасының кәсіби бағдар беру жұмысы бойынша 01.09.19-24.12.19 аралығындағы
ЕСЕБІ
Оқу жылының басында кафедраның 2019-2020 оқу жылына арналған кәсіби бағдар беру жұмысы және кафедра филиалы жұмысы бойынша жылдық жоспары жасалды. Қала мектептеріне кәсіби бағдар жұмыстарын жүргізу үшін оқытушылар тағайындалды. ҰБТ-ға дайындау мақсатында талапкерге арналған тегін «Жексенбілік мектеп»сабақтарын жүргізу кестесі жасалды. Кәсіби бағдар беру жұмысы бойынша және кафедра филиалы жұмысы бойынша жылдық жоспары, кәсіби бағдар жұмыстарын жүргізетін оқытушылар тізімі, «Жексенбілік мектеп»сабақтарын жүргізу кестесі ЖОО-ға дейінгі дайындық орталығына тапсырылды.
Қазан айында – №12, – №41, №27 мектептер мен кәсіби бағдар беру жұмысы бойынша ынтымақтастық туралы екіжақты келісімшарттар жасалды.
Мамандық бойынша буклет, газеттер шығару, СМИ – ға мақалалар жариялау алдағы екінші оқу жылына ауыстырылды, себебі бекітілген оқытушы денсаулығының жарамсыздығына байланысты 2 ай жұмыстан босатылды.
12.11.19ж – №1 ЖОББМ-нің 11-сынып оқушыларымен кездесу болды. 2019-2020 оқу жылында ҰБТ-ға енгізілген жаңа ережелер мен құжаттарды қабылдау мерзімдерімен таныстырылды. БҚМУ туралы толық мағлұматтар берілді. Университеттің «Өркен» газеті және басқа да ақпараттық үлестірмелі материалдар таратылды. Мектер түлектері тарапынан қойылған сұрақтар талқыланды. Мектеп басшыларымен және мұғалімдерімен мектеп түлектерінің жоспарлары туралы, оқушылардың таңдау пәндері және қандай мамандықтар таңдап отырғаны туралы сұхбаттасу өткізілді. Әзірге біздің университетімізді таңдайтын оқушылар болмады.
2019 жылдың 21-23 қараша күндері аралығында Теректі ауданы бойынша жалпы орта білім беретін мектептердің 11 сынып оқушыларына кафедра оқытушысы Губашева А.О. кәсіби бағдар беру жұмысын жүргізді. Мектеп түлектеріне физика-математика факультеті туралы ақпарат беріліп, хаттамалар толтырылып, мамандықтар туралы буклеттер үлестірілді.
Оқу жылының басында университет және мамандықтар туралы мағлұматтармен таныстыру мақсатында инстаграм әлеуметтік желісінде fizmat_wksu.prof парақшасы ашылды.
Қорытындылай келе, 2019-2020 оқу жылында физика кафедрасының оқытушылар құрамы мектептермен уақытылы жұмыстар (мектептермен келісімшартқа отыру, түлектермен кездесу, кәсіби бағдар беру) жүргізді.
Кәсіби бағдар беру жұмысына жауапты оқытушы: Губашева А.О.
Физика кафедрасының меңгерушісі: Имангалиева Б.С.
