Көктемнің ең ерекше, жылулыққа толы мерекесі 8 Наурыз университетіміздің физика-математика факультетінің оқытушылары мен студенттері арасында бесінші наурыз күні Алғыс айту мерекесімен бірге аталып өтті. Алдымен арнайы шақырту билеттерін алған оқытушылар университетіміздің акт залында бас қосып, студенттері ұйымдастырған мерекелік концертті тамашалады. Ән мен жыр шашудың арасында Физика, Математика және Информатика кафедраларының оқытушыларына топ старосталары өз жүрекжарды тілектері мен алғыстарын айтып, мерекемен құттықтап, Алғыс хат пен гүл шоқтарын табыстады. Тек топ кураторлары ғана емес, барлық нәзікжанды оқытушылар мен қызметкерлер құрамы назардан тыс қалмады. Әсіресе тазалықтың жыршылары студенттеріміздің бұл ықыластарына риза болды.
