Қазан айының алғашқы аптасы ұлағатты ұстаздар күні. Ұстаздар күніне орай оқытушыларға құрмет білдіру мақсатына орай Физика-математика факультетінде оқытушыларға арналған шағын концерттік бағдарламамен 5- қазан күні «Ұстаз аты – биік әрі мәңгілік» атты факультеттің белсенді студенттерінің ұйымдастыруымен тамаша кеш өткен болатын. Кешімізде Түгелбай Нұрзаданың орындауымен «Ұстазым» əні шырқалды. Содан соң Фортепианода 3-курс студенті Ерлан Нұртілек əдемі əуен орындап, ортаға факультеттің ер жігіттері оқытушыларды биге шақырды. Биден соң дайындалған фуршеттен кеш қонақтары дәм татты. Өз өнерлерін ортаға көрсету барысында бишілеріміз заманауи би билеп, керемет көңіл күй сыйлады. Сонымен қатар Кенішбекова Дильнараның орындауында қобыз аспабымен «Ерке сылқым» күйі шертілді. Поэзиялар оқылып, ұстаздарымызбен қызықты ойындар ойнатылды. Сериков Айбол мен Орынғали Аружанның орындауында «Ұстаздар» əні шырқалып, ұстаздарымызға гүл шоқтары табысталды. Кеш соңында ұстаздарымызға сөз беріліп, олар өз кезегінде студенттерге ыстық тілектерін жаудырды.
Ұстаздарымызға арналған кешімізді түйіндеу үшін факультетіміздің студенттерінің тілегін жеткізу үшін сөз Физика – математика факультетінің студенттік деканы Тойлыбаев Сакенге берілді.
