Қазіргі жастарды жан-жақты тұлғалық дамытудың көлемді салаларының бірі пікірсайыстық ойындар. Еліміздегі жағдайға байланысты сабақтастығы үзілген осы саланы жандандыру мақсатында «AQIQAT» пікірсайыс клубына жетекшілік қызметін атқарып жүрген М.Өтемісов атындағы БҚУ Кәсіподақ ұйымының басшысы Сүлейменов Мерген Қуанышұлымен Физика математика факультетінің студенттеріне 24 қараша күні кездесу ұйымдастырылды. Мерген Қуанышұлы кездесуге өзінің республикалық деңгейде орын алып жүрген пікірсайысшы шәкірттерін ілестіре келді. Пікірсайыстың маңызы, оның тек сайыс деңгейінде ғана емес, өмірде де ылғи қажет болатыны, пікірсайысқа қатысу арқылы студент жастардың қандай мүмкіндіктерге ие болып отырғанын және ол кез келген студенттің қолынан келетінін айтқанда студенттердің қызығушылығы артып, сол жерде пікірсайыс клубының құрамы бекітіліп, ашылуы аталып өтті. Осылайша пікірсайысқа қатысушы студенттер қатары толықты. Нәтижесінде 27-28 қараша күндері Құдайберген Жұбанов атындағы Ақтөбе өңірлік университетінің ұйымдастыруымен ҚР Тәуелсіздігінің 30 жылдығына арналған «Тәуелсіздік - құндылығымыз атты «Zhubanov CUP IV» республикалық пікірсайыс турниріне Акбаликова Айдана Физ-41 тобы, Өмірзақ Ерсін, Сидағалиев Нұртілеу МИ-21 тобынан қатысып, тәжірибе жинақтап келді.
