2021 жылдың 30 қараша күні физика-математика факультетінің белсенді студенттері ұйымдастыруыменен 1 курс студенттері арасында «Ray ‘n’ Shadow» атты кеш өткізілді. Бұл кешке факультеттің әр топ студенттерінен 5 жұп қатысқан еді.Ең алдымен жұптарымыз вальс билеп кешіміздің сәнін кізгізді. Бал бес кезеңнен тұрды. Бірінші кезеңде қатысушы жұптары өздерінің дайындаған видеороликтерімен таныстырып шықса, екінші кезеңде өнерлерімен таңқалдырды. Үшінші кезеңде логикалық сұрақтарға жауап берсе, келесі кезеңде әр ұлттың билерінен сол ұлттың атмосферасын сезіндірді. Соңғы кезеңде мульфилым кейіпкерлеріне пародия жасады. Әділқазы иелері әр жұпқа тиісті ұпайларын қойып отырды. Кеш соңын 2, 3 курс студенттері қортындылап ән айтты. Қатысушы жұптар жүлделі I, II, III-орындарға ие болып, қыздар макияж бен маникюрге, ұлдар барбершопқа жолдама алды. Шараның негізгі мақсаты 1-курс студенттерін оқудан тыс жаңа қырларынан көру, оларға жаңа бағытқа жол ашу, жақсы көңіл-күй сыйлау еді.
