16.11.2022ж. күні сағат 15:00 физика-математика факультеті, математика кафедрасының оқытушысы Л.Г.Орлова мен 3- курс студенттерінің ұйымдастыруымен “Еңбек-елдің мұраты” атты кураторлық сағат өткізілді. Мақсаты: Студенттердің еңбек, шығармашылық түсініктерін кеңейту, ҚР Президентінің Қазақстан халқына Жолдауымен таныстыру.
Студенттер бүгінгі кураторлық сағатта сөзжұмбақ, ребустар шешіп, мақал- мәтелдер табу арқылы “Еңбек-елдің мұраты” атты тақырыпты аша білді. 3-курс студенттері Арыстанов Жетіс, АқниязоваАқтолқын, Өмірзақ Ерсін, НагимовӘлішер тақырыпқа байланысты жыр-шумақтарын оқыды. Сисенбаева Камила ҚР Президентінің Қазақстан Халқына жолдауын студенттерге таныстырып өтті. Кері байланыс ретінде студенттерге еңбекке байланысты сұрақтар қойылып, дұрыс жауап берген студенттерге оқу құралдары сыйлыққа берілді. Студенттер дайындалған ойындарға белсене қатысып, өз ойларымен бөлісті. Кураторлық сағат әсерлі және қызықты өткізілді. Студенттер өздерінің еңбекке жақын екенін өз жауаптарынан көрсете білді. Қайырғалиев Нұрәділдің сүйемелдеуімен топ студенттері ән шырқап, кураторлық сағатты қорытындылады. Кураторлық сағатқа факультетіміздің декан орынбасары Иксебаева Жанна Сагынтаевна қатысып, кураторлық сағаттың нүктесін қойды.
