2021 - жылдың ақпан айының 26 - күні информатика кафедрасының аға оқытушылары Ғ.Г. Мухамбетова мен А.А. Хамзинаның ұйымдастыруымен Орал ақпараттық технологиялар колледжінің «Есептеу техникасы және бағдарламалық қамтамасыз ету» мамандығын бітіруші түлектеріне кездесу шарасы өткізілді. Шара кафедраның кәсіби бағдар беру жоспары бойынша Zoom платформасында онлайн форматта өтті. Бұл шараға М.Өтемісов атындағы БҚУ, Маркетинг және кәсіби бағдар орталығының әдіскері Дусенбаева Г.Б. қатысты.
Кездесу шарасы колледж студенттеріне 90 жылға жақын тарихы бар М. Өтемісов атындағы Батыс Қазақстан университетінің тарихы мен өркендеуі, жеткен жетістіктері мен жаңалықтары, ондағы мамандықтар жайында ақпараттардан тұратын бейнефильм көрсетуден басталды.
Сонан соң, кафедра меңгерушісі Хамзина А.А. информатика кафедрасының дайындайтын білім беру бағдарламаларымен таныстырып, әр БББ-нің мақсаты, бітірушінің кәсіби қызметінің саласы және аталмыш БББ бойынша бітірушіге берілетін академиялық дәрежесі туралы мазмұнды ақпаратпен таныстырды. Кафедраның аға оқытушысы Ғ.Г. Мухамбетова студенттерге кафедра студенттерінің мүмкіндіктері, академиялық ұтқырлық бойынша білім алу жағдайы т.б. мағлұматтар берді.
Шара барысында сөз алған Маркетинг және кәсіби бағдар орталығының әдіскері Дусенбаева Г.Б. колледж студенттеріне оқу орнына ақылы немесе грант негізінде оқуға түсу ережелерін, қандай пәндерден емтихандар тапсырып, қанша ұпай жинау қажеттігі, қашықтан оқу мүмкіндігі, биылғы жылғы ҰБТ тапсыру өзгерістері т.б. жайында толық мәліметтер беріп өтті.
Соңында студенттер сұрақтарына жауаптар беріліп, колледж студенттеріне өз білімдерін әрі қарай жалғастыруда дұрыс таңдау жасап, әрқашан жолдары болуларына тілек білдіріліп, шара өз мәресіне жетті.
