2022 жылдың 6-12 маусымы аралығында М.Өтемісов атындағы БҚУ, физика- математика факультетіне Ұлы Казимир университетінің (Быгдощ қаласы, Польша) даму және ынтымақтастық жөніндегі проректоры, ғылым докторы, профессор - Марек Мацко іссапармен келді.
Профессор Марек Мацко автоматтандырылған жобалау саласындағы машина жасау пәні (бұрынғы машиналарды жобалау және пайдалану) бойынша техникалық ғылымдар маманы. Ғылыми қызығушлығы пластмассаны өңдеу кезіндегі техникалық құрылғының тиімділігін анықтау, сипаттау және арттыру мәселелерімен байланысты. Марек Мацконы қызықтыратын бұл мәселеге машина дизайнын әзірлеу: өңделетін материалдардың қасиеттерін, өңдеу параметрлерін қалыптастыру және қолдану жатады. Соңғы жылдардағы зерттеу және практикалық қызығушылығы 3D баспаны биомедициналық технология мен инженерлік салаға енгізуге бағытталған.
Бір апта бойы Марек Мацко физика, информатика кафедраларының оқытушылары мен 6В06102 Ақпараттық жүйелер, 6В06103 Есептеу техникасы және бағдарламалық қамтамасыз ету, 6В01506 Информатика, 6В01503 Математика-информатика, 6В01505 Физика-информатика мамандықтарының студенттері мен магистранттарға «SolidWorks бағдарламасында 3D модельдеу» тақырыбында практикалық сабақтар мен семинар-тренингтер өткізді.
1 сурет. «SolidWorks бағдарламасында 3D модельдеу» курсындағы практикалық сабақтарды өткізу сәті
Профессор Марек Мацконың іссаары информатика кафедрасының ұйымдастыруымен, физика-математика факультеті оқытушыларының, магистранттары мен студенттерінің қатысуымен өткен «Білім сапасын арттыру бағытында тәжірибе алмасу» тақырыбындағы дөңгелек столмен аяқталды. Бұл бас қосуда студенттер мен оқытушылардың академиялық ұтқырлығын ұйымдастырудың, біріккен ғылыми зерттеулер мен халықаралық ынтымақтастықты жалғастырудың мүмкіндіктері мен мәселелері сияқты көптеген сұрақтар талқыланды. Профессор Марек Мацконың кеңестері мен ұсыныстары кафедра ПОҚ кәсіби және ғылыми тұрғыдан өсуіне, білім беру сапасының артуына, оқу үдерісінің жетілуіне себеп болатынына сенеміз.
Физика-математика факультеті ұжымы университет ректоратын, Халықаралық байланыстар және көптілділік орталығын профессор Марек Мацконы шақыру арқылы бізге білім көтеруге, шетелдік сарапшымен тәжірибе алмасуға жасалған мүмкіндіктер үшін алғыс білдіреді.
2 сурет. Факультет магистранттары және студенттерімен
3 сурет. Факультеттің ПОҚ
4 сурет. Информатика кафедрасының ПОҚ
5 сурет. Физика-математика факультетінің ПОҚ
