2022 жылдың 20-21 сәуір аралығында Нұрсұлтан қаласында «Esil University» мекемесінің «Ақпараттық жүйелер және технологиялар» кафедрасының ұйымдастыруымен 6В06102-Ақпараттық жүйелер білім беру бағдарламасы бойынша республикалық студенттердің пәндік олимпиадасы оздырылды. Олимпиадаға М.Өтемісов атындағы Батыс Қазақстан университетінен физика-математика факультетінің 6В06102-Ақпараттық жүйелер білім беру бағдарламасының 1-курс студенті Жұмахметов Айдын, 2-курс студенті Нәсіпқали Дәулет, 4-курс студенті Ислямғали Еламан қатысты. Республикалық олимпиаданың ІІ кезеңі – «Алгоритмдер, деректер құрылымы және бағдарламалау», «Компьютерлік желілер», «Ақпараттық жүйелердегі деректер қоры» пәндері бойынша ұйымдастырылды. Олимпиада қорытындысы бойынша 16 команданың ішінен М.Өтемісов атындағы Батыс Қазақстан университетінен құралған команда оза шауып 2-орынға ие болды.
информатика кафедрасы
