М.Өтемісов атындағы Батыс Қазақстан университеті ұйымдастыруымен студент жастар арасында «Әскери-патриоттық және азаматтық тәрбие» жобасы жоғары деңгейде өткізілді.
Аталған жобаның басты мақсаты – университет студенттеріне әскери-патриоттық тәрбие беру, жастар бойында азаматтық жауапкершілік пен адамгершілік қасиеттерді қалыптастыру, сондай-ақ әскери іске деген қызығушылықты арттыру.
Жоба аясында қатысушылар 7 аталым бойынша өзара бақ сынасты:
- кермеге тартылу;
- қол күресі;
- гір тасын көтеру;
- арқан тартыс;
- садақ ату;
- автомат шашып-жинау;
- пневматикалық автомат ату.
Сайыс нәтижесінде Физика-математика факультеті жоғары дайындық пен ұйымшылдықтың үлгісін көрсетіп, жалпы командалық есепте І орынға ие болды.
Жекелей және командалық аталымдар бойынша қол жеткізілген нәтижелер:
- Кермеге тартылу – І орын;
- Қол күресі (70 кг дейінгі салмақ дәрежесі) – І орын;
- Қол күресі (70 кг жоғары салмақ дәрежесі) – ІІ орын;
- Арқан тартыс – ІІІ орын;
- Садақ ату – І орын;
- Пневматикалық автомат ату – ІІ орын;
- Автомат шашып-жинау – І орын.
Факультет студенттерін жарқын жеңістерімен құттықтаймыз! Осындай іс-шаралар жастардың патриоттық рухын көтеріп, елге деген сүйіспеншілігін арттыра түсетіні сөзсіз. Алдағы уақытта да толағай табыстар мен биік белестер тілейміз!
