«Oilike» интеллектуалдық сайысы 2 курс студенттері арасында ұйымдастырылып, Математика және Физика бағытындағы ФиIP-21 тобын қамтыды. Шараның жауаптылары аға оқытушы, магистр Есенгалиева А.Н. және 7М01504 Физика білім беру бағдарламасының 2 курс магистранттары: Карапшиев Б.Е., Кадерова Д.С., Досмуханбет А. болды. Сайыс №1 оқу ғимаратының 304 аудиториясында өтті.
Сайысқа қатысушы топтар:
- «Фиксики»
- «Арландар»
- «Тауасар»
Кезеңдер:
- Сұрақ-жауап
Бұл кезеңде қатысушыларға 10 түрлі сұрақ қойылып, жауаптарын жазуға 1 минут уақыт берілді. Әр сұраққа 10 балл берілді. - Көзқарас
Студенттерге танымал тұлғалардың пікірлері ұсынылды. Әр дұрыс жауап үшін 10 балл тағайындалды. - Сурет сөйлейді
Қатысушыларға екі сурет беріліп, олардың мағынасын біріктіріп, бір атау табу қажет болды (мысалы, қала, аймақ, адам аты). - Кинопоиск
Отандық және әлемдік кинотуындылар жасырылып, 10 сұрақтан тұратын тапсырмалар орындалды. - Бәс
Әр топ алдыңғы кезеңдерде жинаған ұпайларын бәс тікті. Жалпы алты ұяшық болды, ең көп ұпай жинаған топ бірінші таңдады. Ереже бойынша барлық ұпайын жоғалтқан топ жарыстан шығарылды.
Марапаттау:
- Ⅰ орын – «Тауасар» тобы
- Ⅱ орын – «Фиксики» тобы
- Ⅲ орын – «Арландар» тобы
Бұл сайыс студенттердің білімдерін тексеріп қана қоймай, логикалық ойлау мен командалық жұмыс дағдыларын дамытуға бағытталды.
