М.Өтемісов атындағы БҚУ ИС-31 және ВТиПО-31 топтарының кураторы З.М.Химеденованың ұйымдастыруымен Қазақстанның халық әртісі, Мем лекет тік сыйлықтың лауреаты, белгілі театр және кино актрисасы, қазақ киносының мәңгілік анасы, жарық жұлдызы Әмина Өмірзақованың шығармашылығына арналған «Аңыз ана» атты кураторлық сағат ұйымдастырылды. Студенттер мен оқытушылардың назарына Әмина Өмірзақова туралы бейнебаян ұсынылып, шығармашылығы туралы презентация көрсетілді.
Кураторлық сағатта “Тана” мен “Тайлақ” рөлдерінде Рахметуллина Жанэлла мен Майданов Нұрлан «Тақиялы періште» филміне үзінді қойды. Сондай-ақ студенттер Әмина Өмірзақованың түскен фильмдері бойынша мәліметпен бөлісті. Барлық студенттердің орындауында «Тақиялы періште» фильміндегі «Ана» әні шырқалып, аудитория жақсы бір көңіл-күйге бөленді. «Миға шабуыл» айдарында студенттер Әмина Өмірзақованың шығармашылығы бойынша сұрақтарға жауап берді. Іс-шара барысында Қайырболат Асыл-Ай «Әминаға арнау» өлеңін оқыды.
Кураторлық сағат соңында сөз алған физика-математика факультеті деканының тәрбие-ісі жөніндегі орынбасары Ж.С.Иксебаева ұйымдастырылған кураторлық сағатты тәрбиелік мәніне назар аударып, рухани азық алатын сағат деп атап өтті.
