Академиялық ұтқырлық ол жеке тұлғаның дамуы үшін маңызды, яғни жасампаз ұрпақты ұлттар достығына тәрбиелеп, мәдени дамуға зор үлес қосады.
Біз, «Физика-математика» факультетінің , «Информатика» мамандығының 2 курс студенттері Зеріпбаева Диана және Кенжегалиқызы Амина 2019-2020 оқу жылының І-жарты жылдығында Ресей Федерациясының, Н.Г.Чернышевский атындағы Саратов мемлекеттік ұлтық зерттеу университетінің «Информатика және ақпараттық технологиялар» факультетінде «Информатика» мамандығы бойынша оқып қайтқан болатынбыз. Жоғарыда аталып өтілген оқу орнында 5 ай уақытымыз өте жоғары деңгейде өтті. Сәулеті келіскен , тарихы 110 жылды артқа тастаған білім ордасы бізді жылы шыраймен қарсы алды, студенттерге барлық жағдай жасалынған, жатақханаға орналастық. Жатақхан толықтай шетелдік студенттерге арналған, өзімізге әуелден таныс орыс тілі мен мәдениетінен бөлек, басқа ұлттың білімге құштар, өнерге етене жақын жастарынан достар тауып өз халқымыздың мәдениеті мен тілін көрсетіп , олардан үйренгенімізде аз болмады.
Қазіргі жаһандану заманының жастары болғандығымыздан ба, бәлкім, «Информатика» мамандығында оқығандықтан болар университеттің бізге ұнаған тұсы толықтай жаңа технологиямен жабдықталып, сол технологиялардың бар мүмкіндіктерін қолдануында болды. Практикалық сабақтарда жаңа компьютерлік бағдарламалармен таныстық, базалық білімімізді толықтырдық.Әрине бастапқы уақытта сабақтың 90 минут болатындығы бізді таңырқатқанын жасыра алмаймыз. Білім іздеп , жаңашылдыққа ұмтылғандықтан тез үйренісіп кеткен болатынбыз. Ал, дәрістер өзімізге әуелден таныс орыс тілінде жүргізілгендіктен еш қиындық тудырмады. Осылайша күнделікті профессорлық-оқытушылар құрамынан дәріс тыңдадық. Сапалы білім алып, санамызды бір жаңғыртып қайттық десекте болады. Сонымен қоса, күнделікті сабақтан тыс уақытты тиімді пайдаланып университет жаныдағы «Жас фотограф» курсын тәмәмдап тек сертификат алып қана қоймай жақсы фото, видео түсірумен қоса оны сапалы монтаждауды үйрендік. Демалыс күндері қала ішін аралап , музейлерге барып бір демалып қайттық. Біз осылайша өз уақытымызды тиімді пайдаланып, біліммен қоса мәдени дамып қайтқанымызға өте қуаныштымыз.
Әрине, бізге жарты жыл уақыт басқа елде білім алып алып, жаңа достар табуымызға мүмкіндік берген білім ордамыз М.Өтемісов атындағы Батыс Қазақстан мемлекетік университетіне алғысымызды білдіреміз. Алған білімізді одан әрі қарқынды түрде жалғастырып, болашақ ұстаз ретінде өз еліміздің дамуына үлес қосатынымызға сенімдіміз.
Ал өзіміз сияқты білім жолында тоқтамай , талмай еңбектенетін, жалындап тұрған жолдастарымызға айтарымыз, қазіргі таңда бізге жасалған осындай мүмкіндіктерді пайдаланып, жеті жұрттың тілін біліп, өз еліміздің дамуына бірге үлес қосайық!
