М.Өтемісов атындағы Батыс Қазақстан университетінің 90 жылдық мерекесіне орай қысқы демалысты тиімді өткізу мақсатында 18-20 қаңтар аралығында дәстүрлі университетішілік профессор-оқытушылар құрамы мен қызметкерлер арасындағы 64 Денсаулық спартакиадасы оздырылды. Спартакиаданың мақсаты - салауатты өмір салтын насихаттап, спорт түрлерімен шұғылдануға дағдыландыру, ұжымды бір-бірімен жақынырақ таныстыру еді. Физика-математика факультетінен профессорлық-оқытушылық құрамы арасынан аталған шараға командалар бекітіліп, алдын-ала дайындықты бастап кетті.
Спартакиаданың алғашқы күні факультеттердің профессорлық-оқытушылық құрамы бір-біріне сәттілік тілеп, шағын футбол мен шахмат бойынша бақ сынасты. Физика-математика факультетінен шағын футболға Гумаров Г.С., Кадырбаев М.М., Имангалиев М.М., Кубегенов Е.С., Лайхов Е.Е., Едіге Н.Б. бекітілді. Команда университетіміздің «Педагогика» және «Тарих, экономика, құқық» факультеттері ПО құрамымен тартысты ойын көрсеткенімен финалға өте алмады. Шахматтан өнер көрсеткен Искалиева А.У., Бапиев И.М. қарсыластарына есесін жіберіп алса, Едіге Н.Б. әдемі ойынды тең баллмен аяқтады. Екінші күні жалғасын тапқан спартакиада бағдарламасы бойынша факультет командалары волейбол мен дойбы спорт түрлерінен сайысұа түсті. Дойбыдан қарсыластарына дес бермеген Кадырбаев М.М., Дошева Г.С., Бапиев И.М. басқалардан үздік шығып, жүлделі 1 орынды физика-математика факультетінің қанжығасына байлады. Волейбол ойыны да керемет әсерлі өтті. Өткен жылдарда үнемі жоғары деңгейде көрініп жүрген факультет командасының Кадырова Г.М., Есенгалиева А.Н., Бапиев И.М., Имангалиев М.М, Иксебаева Ж.С., Маутеева С.М. құралған тұрақты құрамы бұл жолы да биіктен көрініп, іріктеу кезеңде «Мәдениет және өнер», «Тарих, экономика және құқық» факультеттерімен ойнап жеңіске жетсе, спартакиаданың үшінші күні өткен финалда «Педагогика» факультет құрамасын 2:0, «Жаратылыстану-география» факультетін 2:1 көрсеткішпен ұтып, жүлделі 1 орынды иеленді. Алайда үстел теннисіне қатысқан Маутеева С.М., Едіге Н.Б., Кубегенов Е.С. қарсыластары басым түсіп, жеңісті қолдан беріп алдық. Арқан тартуға қатысқан Имангалиев М.М., Кубегенов Е.С., Маутеева С.М., Иксебаева Ж.С., Амантурлина Г.К., Химеденова З.М. командасынан қарсыластары күштірек болып шықты. Жеке өнер көрсетуден Кадырова Г.М. «Волейболдан үздік ойыншы», Кадырбаев М.М. және Бапиев И.М. «Дойбы спорт түрінен үздік ойыншы» дипломдарымен және сыйлықтармен марапатталды.
Ойын соңында командалар тамаша көңіл-күймен, спартакиаданы ұйымдастырған «Дене тәрбиесі» кафедрасы мен М.Өтемісов атындағы БҚУ кәсіподақ ұйымына ризашылық сезімдерін білдіріп, тарады. Біз өз кезегімізде факультетіміздің намысын қорғап, шараға қатысқан ұстаздар қауымына және Физика-математика факультетінің құрама командасының дайындығына атсалысып, команда құрамында өнер көрсеткен Акмуханов Е.У. факультет атынан алғыс білдіреміз!
Физика-математика факультетінің
тәрбие ісі жөніндегі декан орынбасары Тажғалиева А.С.
